Տեսական քննություն հանձնելու համար, պետք է անձնագրով ներկայանալ ոստիկանության ՀՔԲ (Երևանում՝ Գաջեգործների 76 հասցեով): 

Այնուհետև պետք է վճարել 3.000 ՀՀ դրամ տեսական քննության համար (+բանկի միջնորդավճար՝ 200-300 դրամ):

Քննությունը անց է կացվում համակարգիչներով: Քննության համար տրվում է 15 րոպե ժամանակ: Քննության հարցերը կազմված է երկու մասից՝ գունընկալման ստուգում և գիտելիքների ստուգում(ճանապարհային երթևեկության կանոնների ու այլ անհրաժեշտ գիտելիքների իմացություն):

Գունընկալման (դալտոնիզմի) ստուգման թեստը (հոգեբանական թեստ) կազմված երեք հարցից, որոնցում առաջարկվում է քննություն հանձնողին նայել նկարին և ընտրել հարցի ներկայացված պատասխաններից մեկը (օրինակ հարցը կարող է լինել՝ ինչ թիվ եք տեսնում նկարում): Երեք հարցից թեկուզ մեկին սխալ պատասխանելու դեպքում դուք կձախողեք քննությունը: 3-ին էլ ճիշտ պատասխանելուց հետո, պետք է պատասխանեք ՃԵԿ-ի վերաբերյալ 10 հարցին: 9 ճիշտ պատասանի դեպքում արդյունքը կլինի դրական: Ձախողելուց դեպքում կարող եք կրկին անգամ վճարել 3.000 և նորից մտնել քննության:

Տեսական քննությունը անց է կացվում միայն ոստիկանության համապատասխան բաժանմունքներում: Քննությունը առցանց հանձնելու հնարավորությունները բացառված են:

Տեսական քննությունը դրական հանձնելուց հետո մեկ տարվա ընթացքում գործնական քննությունը դրական չհանձնելու դեպքում տեսական քննության արդյունքը համարվում է ուժը կորցրած:

Այո, կայքում ներկայացված հարցաշարերը և թեստերը կազմված են նույն հարցերից, ինչ և տեսական քննության թեստերը:

Գործնական քննությունը կարելի է հանձնել միայն տեսական քննության դրական արդյունքի դեպքում: Երևանում ու էլի մի քանի քաղաքներում գործնական քննությունը անց կացվում միայն ավտոդրոմներում: Եթե տվյալ քաղաքում ավտոդրոմ չկա, ապա երթևեկությունը անց է կացվում իրական երթևեկության մեջ:

Ավտոդրոմներում տեղադրված են լինում նշաններ: Ցանկացած նշանի պահանջը չկատարելը (օրինակ STOP նշանի դեպքում կանգ չառնելը) ձախողում է: Քննութունը հանձնողը կարող է մեկ անգամ սխալվել, սակայն դա չպետք է վերաբերվի նշաններին: Թույլատրելի սխալ է մեկ կայանում չանելը կամ շրջադարձի ժամանակ եզրաքարի վրա բարձրանալը:

Գործնական քննությունը հանձնելու համար պետք է վճարել 13.000 ՀՀ դրամ (+բանկի միջնորդավճար՝ 200-300 դրամ):

Գործնական քննությունը ձախողելու դեպքում կարելի է ցանկացած ժամանակ նորից փորձել հանձնել կրկին 13.000 վճարելու պայմանով:

1. Տեսական քննության՝ 3.000 դրամ յուրաքանչյուր փորձի համար:
2. Գործնականի քննություն՝ 13.000 դրամ յուրաքանչյուր փորձի համար:]
3. Վարորդական իրավունքի վկայականի համար՝ 12.000, եթե բարեհաջող հանձել եք երկու քննությունները:

 Գումարը հնարավոր է վճարել յուրաքանչյուր քննության համար առանձին առանձին կամ միանգամից:

Վարորդական իրավունքի որակավորման քննություններ հանձնելու իրավունք չունեն անձինք, ովքեր հաշվառված են թմրաբանական կամ բժշկական հաստատություններում, զրկված են վարորդական իրավունքից կամ ունեն առողջական սահմափակումներ:

ՀՀ քաղաքացիները պետք է ներկայացնեն անձնագիր, տեղում կատարեն սահմանված վճարումները և անցնեն քննության:

1. Եթե առկա է B կարգի ՎԻՎ, ապա C կարգ ավելացնելու համար պետք է հանձնել միայն գործնական քննություն:
2. Եթե առկա է որևէ կարգի ՎԻՎ, D կամ D1 կարգ ավելացնելու համար պետք է ներկայացնել տեղեկանք որևէ ավտոդպրոցում D կարգի համար վարորդական դասընթացներ անցած լինելու վերաբերյալ, այնուհետև հանձնել և՛ տեսական, և՛ գործնական քննությունները:
3. E կարգ ավելացնելու համար հաշվի առեք, որ այդ կարգը առաձին չի լինում: Այն լինում է BE (կցորդով թեթև մարդատար) կամ CE (կցորդով բեռնատար): Եթե առկա է B և/կամ C կարգի ՎԻՎ, ապա անհրաժեշտ է հանձնել միայն գործնական քննություն:

Գաղտնաբառը վերականգնելու համար քլիք արեք "Մոռացել եք գաղտնաբառը" արտահայտությանը: Բացված էջում ներմուծեք varord.am-ում գրանցած էլ. փոստի հասցեն և հաստատեք: Եթե էլ. փոստի հասցեն ճիշտ է, ձեր էլ. փոստում (նակեք նաև spam-ում) կգտնեք նամակ, որտեղ ներկայացված է նույնականացման կոդը: Հետևեք նամակում ներկայացված ցուցումներին և բացված էջում ներմուծեք մուտքանունը և նույնականացման կոդը:

Առավել հաճախ օգտատերեը չեն կարողանում վերականգնել գաղտնաբառը, քանի որ այս փուլում սխալ են ներմուծում մուտքանունը: Դրա համար, եթե վստահ չեք, որ մուտքանունը ճիշտ եք հիշում, կամ չի ստացվում վերականգնել գաղտնաբառը, նախ վերականգնեք մուտքանունը՝ քլիք անելով "Մոռացել եք մուտքանունը" արտահայտությանը, հետո նոր գաղտնաբառը: Գաղտնաբառի վերականգնման վերջին փուլում ներմուծեք նոր գաղտնաբառ և հաստատեք այն:

Հիշե՛ք, եթե դուք գոնե մեկ անգամ մուտքագրվել եք սոց կայքերի միջոցով, ապա ձեր գաղտնաբառը փոխվել է, այդ իսկ պատճառով դուք չեք կարողանա մուտքագրվել հին գաղտնաբառով:

Պարզապես քլիք արեք այն սոց կայքի նշանի վրա, որում գրանցված եք կամ ունեք գրանցած էլ. Փոստի հասցե, թույլտվություն տվեք որ varord.am-ը ստանա ձեր տվյալները և վերջ: Ձեր թույլտվության դեպքում մենք կստանանք հետևյալ տվյալները՝ ձեր անուն ազգանունը, նկարը, էլ. փոստի հասցեն, սեռը, տարիքը: Այս տվյալները օգտագործվում են varord.am-ում ձեր պրոֆայլը ձևավորելու համար կամ մեր ներքին վիճակագրության համար (օրինակ ինչ սեռի և տարիքի մարդիկ են ավելի շատ օգտվում varord.am-ից):

Միջազգային վարորդական իրավունքի վկայական ստանալու համար պետք է ներկայացնել վարորդական իրավունքի վկայական, 3 x 4 սմ չափսի մեկ գունավոր լուսանկար, 12.000 դրամ վճարի անդորրագիր և մեկ աշխատանքային օրվա ընթացքում կտրվի միջազգային վարորդական վկայական:

ՀՀ ՎԻՎ-ով կարելի մեքենա վարել բոլոր այն երկրներում, որոնք ստորագրել են 1968 թվականի նոյեմբերի 8-ի «Ճանապարհային երթևեկության մասին» կոնվենցիան: Դրանցից են գրեթե բոլոր եվրոպական երկրները, ՌԴ-ն, Վրաստանը և այլն: Երկրների ամբողջական ցանկին կարող եք ծանոթանալ այստեղ:

Բոլոր այն երկրներում, որոնք չեն ստորագրել 1968 թվականի նոյեմբերի 8-ի «Ճանապարհային երթևեկության մասին» կոնվենցիան (այդ երկրների ամբողջական ցանկը նայեք այստեղ), ՀՀ ՎԻՎ-ով մեքենա վարելը անօրինական է: ԱՄՆ և Ավստրալիան ևս այդ երկրների ցանկում չեն, հետևաբար ՀՀ ՎԻՎ-ով այդ երկրներում մեքենա վարելը օրինական չէ: Սակայն այդ երկրներում կարելի մեքենա վարել ՀՀ-ում ստացած միջազգային ՎԻՎ-ով: